દૂધ અને દૂધ ની દરેક પ્રોડક્ટ અનેક પ્રકારના પોષકતત્વો થી ભરપૂર હોય છે. આવા દૂધના ઉત્પાદનોમાં એક દહીં છે જે એક શ્રેષ્ઠ પ્રોબાયોટિક છે. દહીં આંતરડામાં સારા બેક્ટેરિયાને વધારો આપવામાં અત્યંત ફાયદાકારક છે. સાથે જ આ પ્રોટીન, કેલ્શિયમ, મેગ્નેશીયમ,વિટામિન બી 2,6,12, રાઇબોફલેવીન જેવા જરૂરી પોષકતત્વોનો એક શ્રેષ્ઠ સ્ત્રોત છે.
જેથી દહીંનું સેવન સ્વાસ્થ્ય માટે અત્યંત લાભદાયી છે.લોકો દહીં નું રાયતું, લસ્સી, સ્મુદી, દહીં – ખાંડ અને બીજી અન્ય રીતે દહીંનું સેવન કરે છે. પરંતુ શું તમે જાણો છો ભોજન કરતી વખતે જો તમે રોટલીની સાથે દહીંનું સેવન કરો છો તો તેનાથી ન માત્ર અનેક ફાયદા થાય છે, પરંતુ અનેક પ્રકારની ગંભીર બીમારીઓ પણ દૂર થશે.તો આજે આપણે આ લેખના માધ્યમથી દહીં અને રોટલી ખાવાના ફાયદા જાણીશુ.
1) પાચન સારુ બનાવે:- જો તમે રોટલી સાથે દહીનું સેવન કરો છો તોનાથી ભોજન સરળતાથી પચી જાય છે, અને પોષક તત્વોનું અવશોષણ પણ સારી રીતે થાય છે. આ તમારી પાચન શક્તિને પણ મજબૂત બનાવે છે.
2) પેટ સંબંધી સમસ્યાઓ દૂર થાય:- દહીંને સૌથી સારા પ્રોબાયોટિક્સ માંથી એક માનવામાં આવે છે, અને વળી રોટલી ફાઇબરથી ભરપૂર હોય છે જેનાથી આ કોમ્બિનેશન આંતરડામાં સારા બેક્ટેરિયા માં વધારો કરે છે. જે ભોજન ને સારી રીતે પચાવવામાં સહાયક બને છે. તેનાથી અપચો, કબજિયાત, ગેસ, બ્લોટીંગ, આંતરડામાં સોજો વગેરે સમસ્યાઓથી છુટકારો મેળવવામાં મદદ મળે છે.
3) ઇમ્યુનિટી મજબૂત બને:- પોષક તત્વોથી ભરપૂર હોવાના કારણે આ સંયોજન શરીરમાં રોગપ્રતિકારક ક્ષમતાને મજબૂત બનાવવામાં મદદ કરે છે. આ શરદી, કફ, તાવ, મોસમી કે વાયરલ સંક્રમણથી લડવા માટે શરીરને સક્ષમ બનાવે છે.
4) માનસિક સ્વાસ્થ્ય સારું થાય:- દહીં એન્ટિઓક્સિડન્ટથી ભરપૂર હોય છે, રોટલી સાથે દહીંનું સેવન કરવાથી તણાવ અને ચિંતા દૂર કરવામાં મદદ મળે છે, જેનાથી તમે શાંતિ અને ખુશી મહેસુસ કરી શકો છો.
5) બ્લડ પ્રેશર નિયંત્રિત રહે:- જો તમે દરરોજ ભોજન કરતા સમયે રોટલી સાથે દહીંનું સેવન પણ કરો છો તો આ બ્લડ પ્રેશર નિયંત્રિત કરવામાં મદદ કરે છે, જેનાથી આ હૃદયને સ્વસ્થ રાખવામાં પણ ફાયદાકારક છે.
6) હાડકા મજબૂત બને:- દહીંમાં કેલ્શિયમ અને પ્રોટીન ભરપૂર પ્રમાણમાં હોવાના કારણે આ હાડકાને મજબૂત બનાવવામાં અત્યંત સહાયક છે. આ તમારા દાંતને મજબૂત બનાવવામાં પણ અત્યંત મદદરૂપ થાય છે.સાથે જ હાડકામાં ફેક્ચર અને સાંધાના દુખાવાના જોખમને પણ ઘટાડે છે.
ધ્યાનમાં રાખવા જેવી બાબત:- ડાયટિશીયન ના જણાવ્યા પ્રમાણે જો તમે દહીં અને રોટલી ના સ્વાસ્થ્યવર્ધક લાભોનો આનંદ લેવા ઇચ્છતા હોવ તો તેનો શ્રેષ્ઠ સમય બપોરનો છે. તમે લંચમાં ભોજન ની સાથે દહીંનું સેવન કરી શકો છો,પરંતુ ડિનરમાં દહીંનું સેવન કરવાથી બચવું કારણ કે તેનાથી સ્વાસ્થ્યને ફાયદાની જગ્યાએ વધારે નુકસાન પહોંચી શકે છે.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)
તમે કોમેન્ટમાં ૫ સેકન્ડનો ટાઈમ લઈને એ અમને જણાવો કે આ માહિતી કેવી લાગી
(૧) વેરી હેલ્પફુલ (૨) હેલ્પ ફૂલ (૩) ગુડ (૪) એવરેજ
અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરો..➡ સોશિયલ ગુજરાતી