આપણી આસપાસ અનેક પ્રકારની કુદરતી વનસ્પતિનો ખજાનો જોવા મળે છે. તેવું જ એક આપણા આંગણાનું વૃક્ષ છે મીઠો લીમડો. જે અનેક પ્રકારના ઔષધીય ગુણોથી ભરપૂર હોય છે. આ મીઠો લીમડો ભોજનનો સ્વાદ વધારવાની સાથે અનેક પ્રકારની સ્વાસ્થ્ય સમસ્યાઓમાં પણ ઉપયોગી છે. મીઠા લીમડાના પાનનું સેવન કરવાથી અનેક પ્રકારની સમસ્યાઓમાં રાહત મેળવી શકાય છે. આ પાનનું સેવન કરવાથી સ્થૂળતા કોલેસ્ટ્રોલને નિયંત્રિત કરી શકાય છે, તથા બીજી એવી ઘણી સમસ્યાઓ છે જેને દૂર કરવામાં મીઠો લીમડો અત્યંત અસરકારક છે.
મીઠા લીમડાના પાંદડામાં આયર્ન, કેલ્શિયમ, પ્રોટીન, વિટામિન બી-1, વિટામિન બી-2, વિટામિન સી, વિટામિન એ જેવા પોષક તત્વો હોય છે. આ સિવાય એન્ટી ડાયાબિટીક, એન્ટી ઓક્સીડેન્ટ, એન્ટી માઈક્રોબાયલ ગુણ ઉપલબ્ધ હોય છે અને આ બધા તત્વો શરીરને સ્વસ્થ રાખવા માટે જરૂરી છે. તો આજે આપણે આ લેખના માધ્યમથી જાણીએ રોજ આ પાંદડા ખાવાથી આપણા સ્વાસ્થ્યને કેવા ફાયદા થાય છે.
મીઠા લીમડાના પાંદડા છે અનેક ગુણોથી ભરપૂર, રોજ ખાવાથી મળે છે આ ફાયદા : આંખોને સ્વાસ્થ્યવર્ધક બનાવી રાખવા માટે મીઠા લીમડાના પાનનું સેવન ખુબ જ ફાયદાકારક છે. કારણ કે મીઠા લીમડામાં વિટામિન એ ઉપલબ્ધ હોય છે, જે આંખો માટે અત્યંત જરૂરી માનવામાં આવે છે. મીઠો લીમડો આંખોની રોશની વધારવામાં મદદ કરે છે, તેમજ આંખોને આજીવન સ્વસ્થ બનાવી રાખે છે.
લીવરની સ્વસ્થતા રાખવા માટે મીઠા લીમડાનું સેવન અતિ ફાયદાકારક છે. દરરોજ મીઠા લીમડાનું સેવન કરવાથી લીવરની કાર્યક્ષમતામાં વધારો થાય છે અને લીવર સંબંધિત રોગોને દૂર કરવામાં પણ મદદ મળે છે. આજના સમયમાં મોટાભાગના લોકો વજન વધવાથી પરેશાન રહે છે તેથી જો તમે વજન ઘટાડવા ઈચ્છતા હો તો દરરોજ સવારમાં ખાલી પેટે મીઠા લીમડાનું સેવન કરવું જોઈએ, તેનાથી વજન નિયંત્રિત કરવામાં મદદ મળે છે.
પાચનને લગતી સમસ્યાઓ દૂર કરવા માટે મીઠા લીમડાના પાનનું સેવન કરવું જોઈએ. જો તમે ખાલી પેટે આ પાનનું સેવન કરશો તો તેનાથી અપચો, પેટ ફુલવું, કબજિયાત અને ગેસ જેવી સમસ્યાઓ દૂર કરવામાં ફાયદાકારક રહે છે.
શરીરમાં વધતા ખરાબ કોલેસ્ટ્રોલને ઘટાડવા માટે મીઠા લીમડાના પાનનું સેવન ખુબ જ ફાયદાકારક સાબિત થાય છે. આ પાનમાં ભરપૂર પ્રમાણમાં એન્ટિઓક્સિડેન્ટ હોવાથી શરીરમાં વધતા કોલેસ્ટ્રોલના પ્રમાણને ઘટાડવામાં મદદ કરે છે.
ડાયાબિટીસના દર્દીઓ માટે પણ મીઠા લીમડાનું સેવન લાભદાયક છે. કારણ કે આ પાનમાં એન્ટી ડાયાબિટીસ ગુણ હોય છે જે લોહીમાં શુગરના સ્તરને નિયંત્રિત કરે છે. લીમડાના પાનમાં વિટામીન સી અને વિટામિન એ ભરપૂર પ્રમાણમાં ઉપલબ્ધ હોય છે. તેથી આ પાનનું સેવન કરવાથી રોગપ્રતિકારક ક્ષમતા વધારવામાં મદદ મળે છે. જેથી તમે વાયરસ અને બેક્ટેરિયાની ચપેટમાં આવી શકતા નથી.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)
તમે કોમેન્ટમાં ૫ સેકન્ડનો ટાઈમ લઈને એ અમને જણાવો કે આ માહિતી કેવી લાગી
(૧) વેરી હેલ્પફુલ (૨) હેલ્પ ફૂલ (૩) ગુડ (૪) એવરેજ
અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરો..➡ સોશિયલ ગુજરાતી
