મિત્રો દર વર્ષે દિવાળી બાદ લગ્નની સિઝન આવે છે. તો લગ્નને લઈને લોકો દ્વારા શોપિંગ પણ એટલી જ જોરદાર કરવામાં આવતી હોય છે. તો આજે અમે તમને આ લેખમાં જણાવશું લગ્ન સમયે ખરીદીમાં અમુક બાબતનું ખાસ ધ્યાન રાખવું જોઈએ. જી હા મિત્ર, લગ્નની ખરીદી કરતા હોઈએ ત્યારે અમુક બાબતનું ધ્યાન ખાસ રાખવું જોઈએ. તો આવો બાબતોમાં એક પણ વાત પણ ભૂલવા જેવી નથી. પરંતુ જો તમે એક દુલ્હન માટે લગ્નનો પહેરવેશ ખરીદી રહ્યા છો, તો આ 5 વાતનું અવશ્ય ધ્યાન રાખવું જોઈએ.
આ વિષે વધુ વાત કરીએ તો લગ્નના દિવસે દરેક કન્યા વિશ્વની સૌથી સુંદર કન્યા દેખાય તેવી જ તેની ઇચ્છા હોય છે. આ જ કારણ છે કે લગ્નની ખરીદી દરમિયાન દરેક કન્યા તેના લેહેંગા પર સૌથી વધુ ધ્યાન આપે છે. એક સુંદર લહેંગો લેવા માટે દરેક કન્યા મહિનાઓ પહેલાં ખરીદી કરે છે. તેની સુંદર લહેંગાની શોધમાં, દરેક સ્ત્રી વિવિધ બુટિક, ડિઝાઇનર શોરૂમ અને શહેરના પ્રખ્યાત સ્થળો પર કલાકો સુધી પ્રવાસ કરે છે અને એક સંપૂર્ણ લહેંગા શોધી કાઢે છે. જે પોતાની પસંદનો હોય.
પરંતુ લહેંગા માટે ઘણીવાર ઘણા પ્રયત્ન કરવામાં આવે છે. પ્રયત્ન અને સખત મહેનત કરવા છતાં પણ તમે તમારી પસંદનો લહેંગો મેળવી શકતા નથી. તેની પાછળ ઘણાં કારણો છે. જે તમે સગાઇની ખરીદી વખતે કરો છો. તમને જણાવી દઇએ કે લહેંગો ખરીદતી વખતે કન્યાએ પોતાના મગજમાં કેટલીક બાબતો ધ્યાનમાં રાખવી જોઈએ.
લહેંગો ખરીદતી વખતે તમારે અગાઉથી તેની કિંમત, રંગ અને ડિઝાઇનને ખાસ ધ્યાનમાં લેવી જોઈએ. કારણ કે, માત્ર ત્યારે જ તમે સંપૂર્ણ લહેંગો ખરીદી શકશો. તો ચાલો જાણીએ લગ્નની સિઝનમાં લગ્ન સમારંભ પહેરવા માટેનો લેહંગો ખરીદતી વખતે તમારે કઈ ભૂલો ન કરવી જોઈએ.
અગાઉથી લહેંગાની શોધ કરો : લગ્નની ખરીદીમાં ઘણો સમય લાગે છે. દરેક વસ્તુ પર અલગથી ધ્યાન આપવું પડે છે. આ સિવાય લગ્ન સમારંભના લહેંગાની ઘણી રીત અને ડિઝાઇન બજારમાં ઉપલબ્ધ છે. તેથી તમારા લગ્ન સમારંભનો લહેંગો લેતા પહેલા, મનમાં એક પેટર્ન અને ડિઝાઇન નક્કી કરી રાખો. આ માટે તમારે ખરીદી કરતા પહેલા તમારા વતી સંશોધન કરવું જોઈએ. જેથી શો-રૂમમાં જઈને તમને ખરીદી કરવામાં વધારે તકલીફ ન પડે.
ડિસ્કાઉંટના ચક્કરમાં ન પડો : ઘણી વખત એવું બનતું હોય છે કે જ્યારે સેલ અને મોટી છૂટમાં ખોટી વસ્તુઓ ખરીદાઈ જાય છે. પરંતુ તમારા લગ્ન સમારંભના કપડાંની ખરીદી વખતે પણ આવી ભૂલ ન કરો. કારણ કે આવી વસ્તુઓ નુકસાનીવાળી મળી આવે ત્યારે ઘણી વાર ડિસ્કાઉન્ટ અને વહેંચાણ કરવામાં આવે છે. કેટલીકવાર એવું થાય છે કે તે સાઈઝની વસ્તુ ઉપલબ્ધ ન હોય. પરંતુ પૈસાની બાબતમાં, તમે સાઈઝમાં પણ થોડું સમાધાન કરતા હો છો. પરંતુ આવું બને ત્યાં સુધી ટાળો. કારણ કે આમ કરવાથી તમારો દેખાવ આખો લગ્ન સમારંભમાં ખરાબ લાગશે છે. ઘણી વાર લોકો ડિસ્કાઉન્ટના નામે ખરાબ વસ્તુઓ આપણને વહેંચી દેતા હોય છે. એટલા માટે આવો માલ ખરીદતા સમયે ખાસ ધ્યાન રાખો.
બજેટ બનાવો : લેહેંગાની ખરીદી કરતા પહેલા, તમે તમારું એક બજેટ નક્કી કરો. તેનાથી તમારો સમય પણ બચશે અને સાથે સાથે તમારે માથાકૂટ પણ નહિ કરવી પડે. આવી સ્થિતિમાં, તમે સંપૂર્ણ તપાસ કર્યા પછી તમારો લહેંગો ખરીદી શકશો અને તમને તમારો મનપસંદ લહેંગો મળશે.
વધુ લોકોને તમારી સાથે ખરીદીમાં ન લઇ જાવ : જ્યારે પણ તમે તમારા લગ્નનો લહેંગો ખરીદવા માટે બજારમાં જાવ છો, ત્યારે વધારે લોકોને સાથે ન લઈ જાવ. કારણ કે ખરીદી કરતી વખતે, વધુ લોકો તમને જુદી જુદી સલાહ આપશે અને તમારું કન્ફયુઝન વધારે છે. જેના કારણે તમે વધુ મૂંઝવણમાં મુકાશો અને આખરે ખોટી વસ્તુ પણ તમારાથી ખરીદાય જાય. તમારા માતા સિવાય, તમારા શ્રેષ્ઠ મિત્ર અથવા બહેનને જ ખરીદીના સમયે સાથે રાખો.
લહેંગાની સાથે દુપટ્ટાનું પણ ધ્યાન રાખો : તમારે ફક્ત લહેંગા પર જ ધ્યાન કેન્દ્રિત કરવું જોઈએ નહીં, લહેંગા સાથે, તમારે બ્લાઉઝ અને દુપટ્ટાની પણ એકવાર સંપૂર્ણ તપાસ કરવી જોઈએ. કારણ કે ઘણી વાર એવું થાય છે કે, લહેંગાને પસંદ કરવામાં આવે, પરંતુ તેના હળવા દુપટ્ટાને કારણે આખો દેખાવ બગડી જતો હોય છે. તેથી લહેંગાનું ભરતકામથી લઈને ડિઝાઇન સુધીની દરેક બાબતો પર ધ્યાન રાખો.
તમે કોમેન્ટમાં ૫ સેકન્ડનો ટાઈમ લઈને એ અમને જણાવો કે આ માહિતી કેવી લાગી
(૧) વેરી હેલ્પફુલ (૨) હેલ્પ ફૂલ (૩) ગુડ (૪) એવરેજ
અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.
ફેસબુક પેજ માટે અહીં ક્લિક કરો..➡ સોશિયલ ગુજરાતી
Image Source: Google