આજના યુગમાં આપણે જોઈએ છીએ કે, નાનાથી માંડીને મોટાઓ સુધી દરેકને મોબાઈલની લત લાગી ગઈ છે. પરંતુ આમાં બાળકોનો કોઈ વાંક નથી, કારણ કે આજે માતા-પિતાથી લઈને ઘરમાં દરેક વ્યક્તિ મોબાઈલ લઈને જ બેસે છે. તેવામાં ઘરમાં જેવું વાતાવરણ હશે તેવી અસર બાળકો પર પડે છે. આથી શરૂઆત તો આપણાથી જ કરવી પડે. પહેલા તો માતા-પિતાને મોબાઈલ છોડાવો પછી બાળકોની વાત થાય. પરંતુ આજે આપણે આ લેખમાં બાળકોને મોબાઈલની લત લાગી ગઈ છે કંઈ રીતે છોડાવી શકાય તેના વિશે ચર્ચા કરીશું. ઘણા એવા ઉપાયો છે જેની મદદથી તમે મોબાઈલને બાળકોના હાથમાંથી છોડાવી શકો છો.
કોરોના વાઈરસ મહામારીએ ઘણા લોકોની લાઈફસ્ટાઇલને મોટા ભાગની અસર કરી છે. બાળકો પણ તેમાંથી જ એક છે. કોરોના કાળમાં થયેલા લોકડાઉને બાળકોની ગતિવિધિઓને ઘરમાં કેદ કરી લીધી હતી. પરિણામે મોટાભાગના બાળકોએ સ્માર્ટ ફોન, કમ્પ્યુટર અને ટીવી આગળ કલાકો બેસવાનું શરૂ કરી દીધું અને બાળકોની આ જ આદત આજે માતા-પિતા માટે પરેશાનીનું કારણ બની ચૂકી છે. કોઈ પણ પ્રકારની પ્રવૃત્તિ ન મળતા આજે બાળકોને મોબાઈલ મળી ગયો છે. આથી તેની શારીરિક એક્ટીવીટી ઓછી થઈ ગઈ ને તેઓ મોબાઈલની દુનિયામાં પોતાનું બાળપણ ખોઈ રહ્યા છે.
એક્સપર્ટ મુજબ સ્ક્રીન સામે વધારે સમય રહેવાથી માત્ર બાળકોની શારીરિક ગતિવિધિઓ જ સીમિત થઈ નથી, પરંતુ બાળકો પર તેની માનસિક અસર પણ જોવા મળી છે. તેવામાં ઘણા બાળકો તણાવ, ચીડિયાપણું અને ગુસ્સાનો શિકાર થવા લાગ્યા છે. જો કે, માતા-પિતા ચાહે તો અમુક ખાસ ટિપ્સ અજમાવીને બાળકોની સ્માર્ટફોનની લત સરળતાથી છોડાવી શકે છે.
બહાર રમવા માટે પ્રોત્સાહન : મોબાઈલ છોડાવા માટે બાળકોને પહેલા બહાર રમવાની રમતનું મહત્વ સમજાવો. તેનાથી તેઓ શારીરિક રીતે ફીટ રહેશે. બાળકોની શારીરિક ગતિવિધિઓને વધારો આપવા માટે તેમણે બહાર રમવા માટે કહો, સાથે જ બાળકોને પોતાના મિત્રો સાથે વધુમાં વધુ આઉટડોર ગેમ્સ રમવાની સલાહ આપો. તેનાથી બાળકો ફોનને બિલકુલ પણ મિસ કરશે નહિ અને તેમની લત ધીરે ધીરે છૂટવા લાગશે.
પ્રકૃતિમાં તેમની દિલચસ્પી : આપણી આસપાસનું વાતાવરણ કેટલું સુંદર છે તેનું સાચું જ્ઞાન આપણે બાળકોને આપવું જોઈએ. બાળકોનું ધ્યાન ફોન અને ટીવી સ્ક્રીનથી ડાયવર્ટ કરવા માટે તેમને પ્રકૃતિથી પ્રેમ કરતાં શીખવો. એ માટે બાળકોને સમયે સમયે ફૂલ-છોડ, જાનવરો અને પક્ષીઓથી જોડાયેલા અમુક દિલચસ્પ ફેક્ટ જણાવતા રહો. સાથે જ બાળકોને આસપાસના પાર્ક અને તળાવની સેર પર જરૂરથી લઈ જાઓ.
પુસ્તકોથી પ્રેમ : ખરી મજા તો પુસ્તક વાંચવામાં મળે છે તેનું ઉદાહરણ આપો, પુસ્તક વિશે માહિતી આપો. તેનાથી તેનું ધ્યાન પુસ્તક પર જશે. ઓનલાઈન ક્લાસ અને ઈંટરનેટના આ સમયમાં બાળકોએ પુસ્તકો હાથમાં લેવાનું લગભગ છોડી જ દીધું છે. તેવામાં બાળકોને પુસ્તકો વાંચવા માટે પ્રેરિત કરો. તે માટે તમે બાળકોને તેમની પસંદની સ્ટોરી બુક અને કાર્ટૂન બુક ગિફ્ટ કરી શકો છો.
ઘરના કામ : ઘરકામ બાળકોની રૂચી જગાડો. તેનાથી તેને ઘરનું મહત્વ સમજાશે. ઘરનું કામ કરતાં સમયે બાળકોને પણ વધુમાં વધુ સમય તમારી સાથે મશગુલ રાખવાનો પ્રયત્ન કરો. ઘરમાં કપડાં સુકવવા, રૂમની સફાઈ અને રસોડાના નાના-મોટા કામમાં બાળકોની મદદ લેવી. સાથે જ કામ કરતાં સમયે બાળકો સાથે મસ્તી કરવાનું ન ભૂલવું. જેનાથી બાળકો માત્ર ઘરના કામમાં જ તમારી મદદ નહિ કરે પરંતુ તેઓ ફોનથી પણ દૂર રહેવાનુ શરૂ કરી દે છે.
ફોનમાં લોક : એક ખાસ એ કે, તમે મોબાઈલમાં લોક રાખો જેથી કરીને બાળકો ગમે ત્યારે મોબાઈલ ન લઈ શકે. બાળકોને ફોનથી દૂર રાખવા માટે તમે ફોનમાં લોક પણ લગાડી શકો છો. તે માટે બાળકોને ફોન આપવાનો સમય અને કલાક નક્કી કરો અને માત્ર તે સમયે જ બાળકોને ફોન લોક ખોલીને આપો.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)
તમે કોમેન્ટમાં ૫ સેકન્ડનો ટાઈમ લઈને એ અમને જણાવો કે આ માહિતી કેવી લાગી
(૧) વેરી હેલ્પફુલ (૨) હેલ્પ ફૂલ (૩) ગુડ (૪) એવરેજ
અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરો..➡ સોશિયલ ગુજરાતી